TANGER, Marruecos- Douane di Marruecos a intercepta un cargamento grandi di droga den un trailer procedente di Hulanda. Ta trata aki di mas o menos 493 mil pildo di xtc, hunto ta 210 kilo.
Durante e accion personal di Douane a detene tres persona, di cual uno ta un hende muhe. E auto y e trailer ta ariba nomber di un Marocano biba na Hulanda, cu a bisa cu el a bin Marruecos trece muebles.
Douane no a informa riba e identidad di e sospechosonan deteni. Segun un canal di television Marocano, un di e personanan deteni ta di nacionalidad Hulandes.