Cargamento grandi di arma confisca a cubri henter dek di un barco di guera

Merca a confisca un cargamento di arma asina grandi cu el a yena henter e dek patras di un barco di guera di 173 meter largo.

Un ekipo conhunto di Marina y Guarda Costa di Merca a confisca miles di arma ilegal siman pasa despues di a detene un barco chikito den lama nort di Arabia, asina Armada Mericano a bisa den un comunicado.

E barco di guera USS Monterey a para e barco tipo dhow sin bandera, dia 6 di mei, durante un operacion di rutina pa verifica su registro, asina Armada.

Un ekipo special di Guarda Costa di Merca, staciona riba e barco di Armada a aborda e barco y a topa cu e cargamento di arma.

E cantidad grandi di arma a cubri gran parti di e dek patras di e barco di guera Mericano di 567 pia largo (173 meter) despues cu a pasa nan over den un operacion di dos dia.

E cargamento tabat inclui dozijnnan di misilnan dirigi, antitankinan avansa di fabricacion Ruso, miles di riflenan di aake (Chines) tipo 56 y centenares di mitrailleur  PKM, riflenan di francotirado y aparato pa lansa granada guia pa cohetenan. Otro componentenan tabata verrekijker sofistica.

Ehercito Mericano tabata investigando e fuente y destino di e enorme cargamento di arma, cu a keda bou vigilancia Mericano.

Despues cu a constata cu e dhow tabata den condicion pa nabega y cu a interoga su tripulacion, a duna nan cuminda, awa y a laga nan liber.

Comments

comments