Manera cu el a bisa Prome Minister Mike Eman, Otmar Oduber su carera politico no a caba ni ayera ni awe. Pero e lo tin cu evalua.
Despues di 27 aña cu AVP, cu naturalmente cada biaha cu el a forma parti di dje, a reconoce su plataforma cristian democrata den e y e principio pa cual el a tuma e decision di drenta AVP. E no a drenta pasobra su famianan tabata AVP y cu a sigui sin mas, cu por cierto no ta existi mas, cual ta politica anticua, un politica bieu. Awe ta manda tur aña 400 pa 500 hoben den exterior cu ta habri nan sinti y mente cu cada un mes por midi riba nan mes y y dicidi riba un politico cu nan lo bay duna confiansa si of no. Den e casonan aki, e relacion no lo ta uno malo. Lamentablemente tin decisionnan cu mester wordo tuma y ora bo no tuma decision, accionnan ta bin.
Tabata tin combersacion di tur nivel. E cos aki a cuminsa for di 2013 caba y aña pasa el a bira mas serio, a alerta, a papia, segun Oduber. Otmar ta un persona cu tin cabey riba su lenga. E ta papia cu coleganan y tambe cu prome minister. Ora cu no tabata tin oido, a bishita gobernador na Januari ainda cu e speransa, aunke el a haya oido, pero lamentablemente ta mira cu tur e periodo cu a pasa, ta yega un momento cu ta bisa y e mesun rason pakico e tabata tin 27 aña miembro di avp, ta e rason pakico e no por forma parti mas.
A ripiti na Henny Eman, na Mike Eman, na Tico Croes, na tur cu a papia, no tin vacatura den partido AVP pa loke ta trata liderasgo den 2017 y no tabata buscando tampoco liderazgo. A bisa den varios ocasion no tabata busca ningun liderasgo pasobra no tin vacatura. Aki ta trata simplemente di principio, di balornan y ora cu ta forma parti di un organisaicon, bo mester por sinti comodo y orguyoso di ta forma parti cierto momento di e organisacion ey. Ora cu ya caba bo no ta sinti esey mas, ora cu ya caba tur dia ta wak ken ta trompica otro mas hopi, e ora ta tuma un decision. Ta mescos cu un negoshi, si e ta bay malo y si bo no caba cu e negoshi, e negoshi ta caba cubo y politica ta mesun cos. Ta yega un punto cu bo no ta haya bo mes mas den e organisacion of abo ta caba cu e organisacion sino e organisacion ta zorg pa caba cubo.
Futuro di Otmar
Otmar Oduber a bay un eleccion na 2013 y pueblo di Aruba a recompense pa e trabao di cuater aña. Un lider no ta wordo traha. Un lider ta nace y un lider ta gana e confiansa di ta lider. Un partido ta mesun cos. Un partido ta nace for di e curason di un pueblo cu ta sinti cu mester di un partido nobo. Den e dianan su dilanti e lo evalua esaki, y pronto nos lo haya sa kico lo bay ta e siguiente paso cu Otmar Oduber lo bay tuma.