LYON, Francia – E cardinal Frances, Philippe Barbarin, cu diahuebs a wordo condena na seis luna di prizon pa a tapa actonan di pedofilia den su dioscesis na Lyon, a anuncia cu e lo presenta su dimision na papa Fransisco.
Durante un declaracion cortico na medionan di comunicacion, e pastoor a declara su “compasion’ pa e victimanan, mientras su abogadonan a anuncia cu e lo apela su sentencia dicta den Corte di Prome Instancia.
“Mi a dicidi di bay wak papa Fransisco pa presenta mi renuncia. Mi lo ricibimi den e proximo dianan”, e arsobispo a sigura.
Barbarin, di 68 aña y na cabes di e arkidiocesis tradicional mas grandi di e pais, a sinta den e banki, hunto cu otro cargonan eclesiastico na januari ultimo, unda el a wordo acusa di no a denuncia e abusonan cometi contra di menornan di edad door di e pastoor Bernard Preynat, durante 25 aña
Na final di e huicio, Ministerio Publico no a pidi castigo contra di e cardinal, ya cu e ta considera cu hopi di e echonan ya caba a caduca y cu no tabata tin suficiente prueba pa un condena.
Ademas di un pena di prizon, cu Barbarin lo mester cumpli solamente den caso di repiticion, ainda e cardinal lo tin di paga un indemnisacion simbolico di un euro na ocho di e victimanan di Preynat cu a entrega un denuncia.
Ministerio Publico a pidi tambe pa e cardinal Spaño Luis Ladaria Ferrer, hefe di e Congregacion di e Doctrina di Fe, na cual Barbarin a consulta ora cu el a dirigi su mes na Vaticano, pero Santa Sede a rechasa e peticion, refiriendo na inmunidad diplomatico.