VICTORIA, Australia – E cardinal Australiano George Pell, considera como e number 3 di Vaticano y encarga cu e finansas di e santa sede, a wordo acusa di pedofilia den su pais, unda cu e mester aparece den corte, rason pa cual el a dicidi aparta di e cargo, mientras cu e ta “limpia” su nomber.
Pell a sigura diahuebs cu e ta “deseando comparece” ante husticia pasobra e ta “inocente” di e cargonan di pederastia cu a keda presenta den su pais.
Manera cu e agencia di noticia Efe a referencia, polis di e estado Australiano di Victoria, a impone diahuebs e cardinal, maximo representante di e Iglesia Catolica di e pais aki, pa presunto delitonan di pederastia y a cit’e na aparece den corte dia 18 di Juli proximo.
Den un comparecencia sin pregunta ante medionan, e cardinal di 76 aña a splica cu papa a concede un excedencia pa regresa su pais, colabora cu husticia, haci su nomber “limpi” y “regresa Roma” pa sigui cu su cargo.
El a rechasa “por completo e acusacionnan” cu a yega na autoridadnan Australiano y a bisa cu durante e periodo di aki el tabata “completamente cla” na defende su inocencia.
Den e roceso aki el a splica cu el a informa “regularmente” na papa, cu e ta na altura di e situacion di su prefecto door di e Secretaria pa Economia.
E Santa Sede, di su banda, a emiti un comunicado unda cu nan ta señala cu el a ricibi cu “desagrado” e imputacion di e purpurado y a expresa nan respet pa husticia Australiano pero tin cu corda cu Pell “a condena repetidamente durante hopi aña” e casonan di abuso.
Ademas, Vaticano ta indica cu Pell a apoya e creacion di e Comision Pontifica pa e Tutela di Menor y como obispo diocesano di Australia, “a introduci sistema y procedimento pa proteccion di menos y pa garantisa e asistencia di victimanan di abuso.”
Fuente: www.ntn24.com