E temporada di Pasco y Aña Nobo ta den porta y Asociacion Trabao di Hubentud na Aruba (ATHA) tambe a start sali cu su proyecto aki cu ta benta di Carchi di Pasco, Carchi di Aruba pinta door di nos artista SR. Elvis Tromp y tambe nos tin como producto e aña aki un Mea di Pasco of tas di canvas cu su stiftnan cu bo mes por pinta.
Diahuebs 11 di oct. 2018 nos a haci e bishita acostumbra cerca nos gobernador cu ta haci e prome pedido serca nos muchanan di scol. E muchanan ta wordu atendi personalmente door di nos gobernador caminda nan ta combersa cu nos representante di Reino.
https://www.facebook.com/masnoticia/videos/470196403502620/
Cu e bishita oficial aki nos ta lansa e projecto den comunidad caminda e muchanan di scol basico y algun secundario ta yuda hunto cu nan maestronan, cabesante di scol y tambe e mayornan cu ta bende cerca nan hendenan conoci.
Comerciantenan tambe por cumpra cerca e muchanan di scol.
E accion aki ta un di e projectonan cu ATHA tin pa recauda fondo y asina por sigui ofrece projecto pa mucha, hoben y miembronan di ATHA. Projectonan manera campamento, charla, curso pa lider tanto na Aruba como na exterior y tambe material.
ATHA kier infoca riba e toke personal cu e carchinan aki tin y e meta tras di dje. E carchi personal cu ta llega na cas ta muestra di e carinjo, atencion cu ta llega den cas den e temporada di fiesta aki.
Fuera di e fondo aki ta un manera cu ATHA ta encurasha e muchanan cu trabao boluntario for di chiquito.
E envelopnan a wordu reparti caba na e scolnan y e muchanan ta pasa na varios cas pa sostene e projecto aki. ATHA ta spera cu mayornan, famia, bisinja, comercio por contribui na e projecto aki cu pa mas di 50 anja ta wordu organisa y e ta pa un bon causa cu ta bai back pa nos hubentud na Aruba.
En caso cu ningun mucha llega cerca bo persona ta posibel di pasa tambe na nos oficina y comercio por haci nan bestelling via email: [email protected] of na nos telefon ta 5823773 y nos lo prepara e bestelling pa wordu busca na nos oficina.
Un danki ta bai na tur hende cu ta duna nan aporte na e projecto aki.