HONDURAS/GUATEMALA – E caravana di Migrante, forma pa mas o menos 3 mil Hondureño pero totalmente gespart for di otro, a sigui su caminda diamars rumbo pa Guatemala, unda cu autoridadnan a adverti di e risiconan di e mobilisacion aki lo ta wordo uza pa e trafico di persona.
Mientras e miles di migrantenan na Chiquimila a retoma e ruta pa pasa door di Guatemala y Mexico, pa yega Merca lo antes posibel, presidente di Guatemala, Jimmy Morales, a sigura cu e “ingreso “masivo” y sin control di Hondureñonan tabata un “risico” pa su pais, pa cual el a bisa di a duna ordo pa habri un investigacion.
Mientras tanto, presidente Mericano, Donald Trump, a bisa di lo corta tur ayudo financiero na Honduras y paisnan Centroamericano cu ta “apoya” e caravana di migrantenan aki.