TEXAS, Merca- Presidente Mericano, Donald Trump a sigura awe cu e lo por manda te cu 15 mil militar na e frontera cu Mexico. Esaki ta pa e yegada di un caravan cu miles di inmigrante cu ta biniendo for di Honduras y cu awo ta na Mexico, den direccion di teritorio Mericano.
“Mientras e caravan ta un preocupacion, nos ehercito lo ta eynan. Nos tin riba 5 mil soldaat eynan. Lo yega un punto unda cu lo tin entre 10 pa 15 mil personal militar”, e mandatario Mericano a splica, prome cu el a biaha bay pa Fort Meyers, den e estado di Florida.