CARACAS, Venezuela – Despues di e hornada di manifestacionnan rond di e sedenan regional di Conseho Nacional Electoral (CNE), cu e Mesa di unidda Democratico a convoca den e principal ciudadnan di henter e pais, gobernador di estado Miranda, Henrique Capriles Radonski, a reitera e yamado hecho di dia 1 di September, pa realisa un mobilisacion nacional di diaranson proximo, dia 14 di September.
“Prome, e señora Lucena a bisa cu dia 13 di September lo anuncia e cronograma, diamars, otro rectora a bisa cu dia 14 y 16. Pone boso mes di acuerdo! Mientras sigui sin anuncia, hendenan lo sigui mobilisa nan mes. Dia 14 lo bay tin un mobilisacion nacional. Un hornada di 24 ora di protesta. Te cu no tin anuncionan formal pueblo lo sigui mobilisa den defensa di e Constitucion,” lider di e Unidad a bisa tambe, segun referencia di nota di prnesa di su despacho.
P’esey, el a hustifica cu e marchanan cu a wordo haci diaranson ultimo, e sedenan di CNE den e 23 estadonan di e pais, pasobra nan ta pa exigi e cronograma electoral, cu ta inclui e fecha pa recoleccion di 20% di e Registro Electoral, mescos cu e Referendo Revocatorio.
Riba tur asunto, a bolbe critica e bishita na e pais, e ex presidente Spaño, Jose Luis Rodriguez Zapatero, di kende a sigura cu ta aparece ‘cada biaha cu e gobierno tin e awa na nek.”
“Ningun hende sa kico sr. Zapatero ta haci na Venezuela. Nos no conoce su agenda. Pakico el a bin? Pa pone un fecha na Revocatorio of pa trata di mira den mundo cu loke tin aki ta un proceso di dialogo y laba cara di Gobierno? Un convocatorio na e dialogo tin cu pasa prome pa e pueblo Venezolano, respetando e Constitucion,” Capriles a bisa.
Fuente: NTN24
- Latest
