Curacao: Djadumingu 25 di òktober 2020 alrededor di 14.20’or, Sentral di Polis a risibí informashon di un kaso di hogamentu ku a tuma lugá na Klein Kòrsou.
For di un investigashon ku polis a hasi a resultá ku tres persona a bai snòrkel (free diving).
Dos di nan a bini bèk ariba pero e di tres persona no a logra bini ariba. Despues ku a logra di saka e di tres persona for di awa a kuminsá ku reanimashon pero sin e resultado deseá. Warda Kosta a transportá e kurpa sin bida ku nan helikòpter pa nan punto di sosten na Hato. Dòkter di polis ku a presentá a konstatá morto di e hòmber Nicolas Pieter van der
Vlies, nasé na Kòrsou 18 di òktober 1986. Ta trata e capitan di e boso Miss Ann.
Riba òrdu di fiskal di Ministerio Públiko a konfiská e kurpa sin bida pa mas investigashon.