Central di Polis a manda un patruya pa e area di Amsterdam Manor, caminda un boto lo tabata na candela y cu tabata tin un victima cu kemadura. Na nan yegada, schuins tegenover di Azurre Condominiums, unda cu e companianan di watersport ta mara nan waverunnernan. Polisnan ta ripara cu un waverunner tabata maniobrando un otro boto, biniendo canto cun’e, expresamente pa spart awa di lama pa paga e candela.
Polisnan a wordo informa cu e victima ya caba a wordo hiba pa SEH (Eerste Hulp) cu un auto priva. Nan a bay Eerste Hulp y a constata cu e victima tabata e capitan P. e tabata tin kemaduranan di 2do grado na su cara, nek, schouder y curpa parti ariba. Segun declaracion di P., e la bay controla e waterpomp di e boto “La Moria”, ya cu esaki no tabata funcionando. Ora cu el a bay lanta e tapa patras den e boto, a surgi un explosion pa cual el a sufri di kemaduranan di 2do grado. Na e sitio a yega tambe bombernan. Patras di e motor polisnan a wak rastro di candela. E personal di Bombero a controla e embarcacion.