Caos den Spirit: A cancela 45% di su vuelonan y e compania ta den silencio

Desde diadomingo nan a cancela mas cu 1.100 vuelo cu a afecta miles di pasahero na henter Merca y Puerto Rico.

Dialuna tabatin un publicacion riba e vuelonan cancela y prensa a cuminsa tuma contacto cu e compania pa pidi nan reaccion despues cu varios pasahero a raporta cu e cancelacionnan tabata debi na un conflicto cu empleadonan den welga.

E aerolinea a nenga e version aki y a bisa cu e cancelacionnan tabata debi na “retonan operacional” y condicionnan climatico.

Despues e website EL VOCERO, cu ta esun cu a publica e noticia, a bisa cu na dos ocasion mas a tuma contacto cu e compania cu no a debolbe nan yamada, mirando cu a sigui cu e cancelacion di vuelonan pa Puerto Rico.

Spirit a pone un mensahe so riba nan website cu ta bisa: “”Aviso: Estamos experimentando desafios operativos en algunas áreas de nuestra red, verifique su correo electrónico y el estado de su vuelo antes de ir al aeropuerto. Debido a las largas filas en el aeropuerto, la forma más rápida de obtener ayuda es llamarnos al 844-989-7283 o contactarnos a través de WhatsApp al 855-728-3555 escribiendo la palabra “Hola” o enviarnos un mensaje de texto al 48763″.”

Tambe a cancela awe mainta e vuelonan pa Fort Lauderdale, Philadelphia, Boston y tres pa Orlando. Na algun aeropuerto di Merca, e situacion tabata caotico.

E aerolinea di biahenan barata, cu sede na Florida, a cancela 277 vuelo dialuna, cu ta 36% di su vuelonan programa, ademas di 165 vuelo cancela diadomingo. Diamars nan a cancela 61% di su vuelonan pa un total di 429.

Y awe mainta a bolbe cancela 306 vuelo, loke ta representa 45% di e totalidad di su avionnan programa pa lanta vuelo. Spirit a bira e di tres cu mas vuelo cancela den e ultimo oranan na henter mundo, segun servicionan di rastreo di vuelo.

Comments

comments