Sr. Freddy Albertus, director di Paradise Beach Villas Bougainville Development NV, a firma nan CAO nobo cu sindicato STA.
Esaki segun Sr. Albertus a bay hopi bon. A dura un periodo di tres luna, hopi cortico compara cu otro negociacionnan. Nan a sinta cu lider di STA, Sr. Diego de Cuba, hunto cu dos shopsteward, Amado y Roland Maduro, y tambe hunto cu Sr. Andy Ousbourne, cu ta e otro director di Paradise Beach Villas. Tur hunto a sinta hunto den e ultimo tres lunanan, pa asina yega na un bon CAO pa e empleadonan di Paradise Beach Villas.
Aruba su situacion financiero no ta mucho bon, pero e resort semper ta wak principalmente den e poder di compra di e empleado. Y despues di esey ta wak kico mas por ofrece na e empleadonan. Enberdad, costo di bida ta halto pero a yega na un bon decision, asina cu tur empleado por bay dilanti, pero tambe cu e empleado por bay dilanti pa asina e resort por haya mas entrada pa asina cover tur loke nan ta ofrece na su empleadonan. E hotel tin un ocupacion di 85% henter aña. Paradise Beach Villas ta un time-share resort, y no un hotel. Si e maintenance fee ta mucho halto, e bishitante lo dicidi di bay over na un otro destinacion.
E challenge mas grandi pa Paradise Beach Villas ta cu e resort tin cu bay mas dilanti, dus haya mas conocemento pa afo. Ta wak cu hopi di e resortnan a inverti hopi den nan resort pa asina haya mas miho hende. No solamente mas miho, pero pa e nobonan cu ta bin. Un time resort ta mas bien di un generacion bieu, pero e generacion mas nobo ta mas exigente. Free wifi, mas social, etc. Esey ta loke e resort mester zorg pe tambe, pa asina nan por haya clientenan nobo tambe na nan resort, segun Sr. Freddy Albertus, director di Paradise Beach Villas Bougainville Development NV