TEHERAN, Iran- Nuebe persona mas a perde nan bida na Iran, a consecuencia di e protesta- y disturbionan cu ta sacudi e pais Perso, segun AP a informa, citando datonan di television Irani.
Seis manifestante a muri den e ciudad di Qahdarijan dialuna anochi. Segun television estatal Irani, e fayecidonan a purba horta armanan den un warda di polis.,
Un mucha di 11 aña y un homber di 20 a perde na bida dn e ciudad di Khomeinishahr. E di nuebe victima mortal di e prostetanan di miembro di e Guardia Revolucionario di Iran den e ciudad di Najafabad. E tres ultimonan a wordo tira cu riflenan di caza, un arma comun entre e poblacion Irani.
Un manifestante cu tabata protesta contra di e gobierno di Iran, a tira ariba e agentenan policial den e ciudad di Najafabad.
- E protestanan multitudinario cu a cuminsa diahuebs siman pasa den e principal ciudadnan Irani no a disminui y a cobra bida di al menos 20 persona.
- E focus original di e protestanan a tabata concentra den e ciudad di Mashad (noordoost di e pais).
- Presidente IRani, Hasan Rohani diadomigo, 31 di December a declara cu e pueblo Irani ta liber di expresa su critica contra di gobierno y di protesta segun constitucion Irani y derechonan civil.
- Na mes momento, medionan di comunicacion oficial di Iran ta informa cu forsanan di siguridad a contene varios intento di manifestantenan di tuma control di wardanan di polis y basenan militar.
Fuente:https://actualidad.rt.com