REINO/HULANDA
AMSTERDAM- E cantidad di pildonan XTC cu ta circula na Hulanda, ta sigui aumenta. Esaki ta loke e instituto Trimbos y e instituto di investigacion WODC den un rapport anual over di uzo di droga.
Casi un 90% di e pildonan cu a wordo investiga a resulta di tin un gran cantidad di mdma. Investigadonan ta calcula un grens di 106 milligram mdma. Den promedio, e pildonan ta pasa e grens aki, cu 167 milligram mdma.
Seis luna pasa e instituto Trimbos a bati alarma pa e aumento den e aumento di e aumento di e pildonan di xtc. Segun e ultimo cifranan e aumento di e cantidad di persona cu ta uza e pildonan a manera stop. Pero asina mes, Hulanda ta na cabes di nr. 1 na Europa.
Secretario di Estado Blokhuis ta haya cu ta preocupante cu relativamente mas XTC ta wordo uza. Segun Blokhuis personanan cu ta uza XTC no ta na al tanto di e peligernan cu esaki ta encera. “Mas tanto bou di personanan cu estudio superior entre 20 pa 25 aña, e uzo di XTC ta halto. Normalisacion di esaki ta loke mi kier bringa, mas tanto dor di mas programanan di informacion y prevencion”.
Mas ketamina
Investigacionnan ta indica cu e uzo di tripmiddel ketamina, cu ta ocasiona halucinacion, tambe ta den aumento. Segun investigadonan e droga a move for di un subcultura pa mainstream. Den e rapport ta para cu 17 porciento di e hobennan cu ta sali y hoben adultonan a yega di uza ketamina.
Trimbos ta yama atencion pa e peliger di ketamina. Hendenan por reacciona pisa ariba esaki y keda den un estado di paralisis of un experencia casi mortal. Ariba termino largo, esaki por causa daño na tanto e riñon como e blaas.
Coke
Coke tambe a haya atencion di investigadonan. Un di cada incidente relaciona cu droga cu ta yega cerca e dotker di polis, esaki ta trata di personanan cu a uza coke. Un average di casi 29 hende ta muri anualmente di un overdosis.
E average di e cantidad di cocaina den forma di puiro cu ta den circulacion, a subi. Un gram di puiro na 2011 tabata contene 49% cocaina, pero esaki a aumenta na 68 na 2017. Pero e prijs ariba caya ta mescos, casi 51 euro pa gram.
Aunke cu e uzo di harddrug ta contene risiconan mucho mas grandi, alcohol y tabaco te ainda ta esun mas mortal. Pa aña, segun calculonan di RIVM, den un aña di tempo 1800 persona ta muri door di uzo di alcohol.