ITALIA – Por lo menos 120 persona a muri y 368 a keda herida despues di e teremoto di 6 grado riba escala di Richter, cu a sosode diaranson den centro di Italia, e Prome Minister Italiano Matteo Renzi a informa.
Durante un conferencia di prensa, Renzi a adverti cu e cifra di fayecido por aumenta despues cu e desaster natural aki a sosode durante oranan di madruga di diaranson.
Proteccion Civil di Asocili Piceno a comunica cu 20 ta e victimanan di e localidadnan afecta den su region, vooral den e localidadnan di Arquata y Pescara del Tronto y cu a keda completamente destrosa despues di e teremoto.
E curpanan a wordo transporta pa mortuario di e localidad di Ascoli Piceno.