Cantidad di morto dor di atentado na Utrecht a subi na cuater

UTRECHT – Un homber di 74 aña procedente di De Meern, cu a resulta herida durante e tiroteo na Utrecht, a fayece a consecuencia di su heridanan. Esaki segun Ministerio Publico a informa. Cu esaki e total di victimanan fatal a yega 4.

Ainda tin un persona cu heridanan di gravedad den hospital.

CUATER ASESINATO
Gökmen T., di 37 aña, awo ta wordo sospecha di cuater asesinato of homicidio cu motibonan terorista, OM a informa.
Siman pasa T. a wordo deteni na Utrecht, unda cu na prome instante 3 persona a perde nan vida y cinco otro a resulta herida. Pero esaki no tabata e prome biaha cu T. ta bin den contacto cu husiticia.
DEBE Y UITKERING
Tres siman pasa T. mester a aparece den corte pa motibo di robo den un tienda di bicicleta na Utrecht. Durante e caso aki T. a declara cu e ta biba su so, ta biba di un uitkering y tabata tin debe dor di multanan di trafico sin paga.
Al parecer, lo el a perde su cas den caso cu e bay cera.

Comments

comments