Aruba Lions tin un demanda grandi pa yuda famianan cu no por paga nan awa y coriente pa cual Sr. Randolf Vrolijk ta splica.
Famianan cu no por cumpli cu nan gastonan di awa y coriente na Aruba ta basta, y Aruba Lions Club ta evalua cada situacion. Den casonan di sumo urgencia, Aruba Lions Club ta yuda pero tambe Departamento di Asuntonan Social tambe ta yuda e personanan en cuestion.
E situacion ta varia pa persona, depende di e sumanan cu e persona mester paga y tambe mester tene cuenta cu paña, pa ayudo financiero y pago di cas. E gastonan tin biaha ta halto, pero como club Aruba Lions ta purba yuda te unda ta posibel.
Segun Sr. Vrolijk, hopi biaha e mal maneho di e situacion ta un punto y Aruba Lions Club ta purba yuda door di papia, door di reeduca e persona, mustranan e instancianan unda cu nan por siña ta independiente. Asina aki, un siguiente biaha nan mes lo sa e caminda pa busca e yudansa cu nan mester. No ta tur ora por keda duna ayudo financiero, pero como persona busca e yudansa esaki ta mehora e calidad di bida.
Hopi biaha den comunidad, mester ta cauteloso ora di parti fondonan. Un hende cu ta haya cos facil, ta bin bek facilmente. Y esey no ta e intencion, segun Sr. Vrolijk.