E mandatario encarga cu Enseñansa, drs. Armando ‘Rudy’ Lampe a splica cu Colegio San Nicolas lo keda cu VWO-3 , despues di cu mayornan mes a pidi pa esaki. Na final di cuenta esunnan interesa ta e mayornan cu tin mucha den VWO 3, cu lo cuminsa na augustus na VWO 3.
Informacion cu e mandatario a ricibi di Colegio Arubano, e muchanan di VWO 3 actual na Colegio San Nicolas, cu tin cu bay VWO 4 na Colegio Arubano, ta solamente 4 alumno.
Loke tin mayornan preocupa ta cu e cantidad di docentenan ausente cu ta haci cu hopi ta e lesnan cu ta cay afo, cual ta desfaborabel pa e alumnonan y esaki a pone e rector di Colegio San Nicolas na altura.
Cifranan ricibi for di SMOA, di muchanan di VWO 3 di Colegio San Nicolas y ta bay VWO 4 na Colegio Arubano, un 50% di e alumnonan ta keda sinta den VWO 4. Aki tin un problema cu mester wordo atendi. Mescos cu e cantidad di alumnonan cu ta slaag di Colegio San Nicolas, mas di 50% no a slaag. E porcentahe di alumnonan cu a slaag ta 37%, y esaki ta un mal señal. Dus Inspeccion di Enseñansa mester bay atende. Y tin plannan tambe pa ora cu augustus cuminsa, lo bay atende cu e problematica aki. Tin indicacionnan en berdad di lesnan cu ta cay afo, cu ta perhudicando e alumnonan. Tin un problema cu mester bay atende na Colegio San Nicolas. E rendimento di alumnonan ta abao, y tur hende ta para responsabel pa e trabou cu resultadonan cu tin. Aki tin un problema cu mester wordo atendi, e mandatario a expresa.