E talento di e cantante Raffaella Carra, kende a fayece na Roma dialuna, a hib’e mas leu di su pais natal Italia, pa convirtie den un di e artistanan mas reconoci, elogia y adora tambe na Spaña y Latino America.
Su exito na mundo hispano hablante a cuminsa na 1975 cu su aparicion den e programa di television Spaño ¡Señoras y señores!, cu a sirbi di trampolin pa lansa un coleccion di su miho temanan canta na Spaño.
Su consagracion na Latino America a cuminsa na Chile y su fama a plama pa Peru, Argentina y Mexico, no solamente danki na su beyeza y energia sino tambe debi na su Spaño perfecto den su presentacion na televisionnan y den festivalnan.
Carra, di 78 aña, tabatin un tempo caba luchando contra un malesa. “Pa algun tempo caba malesa tabata ataca su curpa chikito pero yen di energia,” Japino, su pareha a skirbi. El a mantene su forsa te na final y nunca a laga mundo sa di su sufrimento.
Carra, kende nunca a haya yiu, ta conoci pa temanan popular manera “”Hay que venir al sur”, Fiesta”, Caliente, caliente” o”En el amor todo es empezar”.
