E dia ta yegando cu ta bay tin e Caribbean Festival of Inner Peace. Aruba por ta hopi contento di por tin presencia aki di Anandita Basu, kende a bin Aruba. Segun Stan Dabian, Departamento di Cultura ta contento cu e actividad aki cu lo tuma luga den Cas di Cultura, cu lo wordo presenta dialuna, 5 di December, pa 7’or y mey di anochi. Despues lo tin presentacion dia 10 di December. Esey ta na International School, tambe pa 7’or y mey di anochi. A keda cla cu San Nicolas pa nan tambe experencia e bunita show aki, riba dia 21 di December, pa 7’or y mey, lo ta den Theresita Center na San Nicolas.
Cumpra bo ticket pa 5 florin so y wak pa bo experencia e experiencia aki. E intercambio cultural den e folklore di India pa no perde esaki. Anandita ta un cantante internacional cu lo presenta na Aruba. Sahaja Yoga Aruba ta esnan cu a trece e grupo Aruba y Departamento di Cultura, mirando cu ta un intercambio cultura y den e parti di educacion cultural, ta apoyando e bunita actividad aki, e unico experiencia bunita den temporada di pasco tambe cu por bisa pa por tin e paz interior pa nos por realisa e bunitesa aki cu nos tur ta.