Cantante Brazilero ta muri den accidente aereo

PORTO DO MOTO, Brazil – E representantenan di e cantante, conoci pa su tema “ Jenifer” a confirma cu e artista tabata un di e pasaheronan di e avion.
Dialuna un avioneta a cay na Porto do Mato, den e municipio di Estância di e estado Sergipe, noordoost di Brazil, causando morto di tres persona, incluyendo e cantante Gabriel Diniz, di 28 años.

Segun e portal Folha de S.Paulo, e avion a sali di Salvador, na Bahia y tabata tin como destino João Pessoa, na Paraíba.
Representantenan di e cantante, conoci pa su cantica “Jenifer”, a confirma cu e cantante tabata biahando den e avioneta.
Bomberonan di Sergipe a informa cu nan a haya tres curpa na e luga di e accidente. E comandante general di e rescatistanan a confirma e morto di Diniz y di dos otro persona identifica como Linaldo Xavier Rodrigues y Abraão Farias, segun informacion di Rádio Jornal. Nan tabata piloto y instructornan di e Club Aeronautico. E cadavernan ya caba a wordo rescata y ta wardando e yegada di e Instituto di Medicina Legal pa saca e cadavernan for di e area.

Segun informenan ofiical, e avioneta no tabata tin solamente permiti pa haci vuelonan instruccional. E cantante mester a bay econtra su mes cu su pareha, y famia di su pareha.

Comments

comments