E legalisacion di cannabis ta topico di discusion den e dianan aki. Aki na Aruba tin un parlamentario y un minister di Enseñansa, di e mesun partido politico, a cuminsa cu e discusion aki 8 aña pasa.
Sr. John Arends, di Aruba CBD a bisa di ta trata di acerca tur partido politico. Y e hecho cu e partido cu a papia abiertamente di e cannabis, awo ta den parlamento, despues di a gana confiansa di e pueblo. Y tin chens di sigui crece.
TUr hende conoce un hende cu ta uz’e of lo kier uz’e y e partido aki ta e e uniconan (te ainda) cu ta lobby pa legalisacion di cannabis. Cannabis ta un necesidad y no un luho. E ta un necesidad masha grandi, si mira cuanto malesa tin awo. E gastonan di AZV ta grandi, hospital ta yen. Door cu tin asina hopi hende malo, ta door cu tin asina hopi hende cu ta malo. Ta hopi hende tin mester di e cannabis oil. E CBD of e THC no tin un side effect cu por ta dañino pa e hende. No ta asina cu e CBD of THC no ta yuda. Pero e problema ta keda pa haya e informacion corecto, pa sa con pa uz’e, ki ora pa uz’ y cuanto pa uza.
Sr. Arends a sigui bisa cu na Northern Ireland, tres aña pasa nan tabata den e mesun situacion cu Aruba ta actualmente. No tabata por a cumpra CBD legalmente. Awo e ta permiti pa un aña pa wak con e ta bay, y e aña aki na november, nan a cuminsa cun’e medicinal, e THC. Den dos aña, Inglatera, e pais cu mas tabata contra di esaki y cu tabata tin un di e leynan mas estricto contra di cannabis, awo a cambia e ley pa pro cannabis medicinal. Nan tabata struggle hopi cu nan seguro social, NHS, esey ta e carga mas grandi cu e gobierno Ingles tin. Den dos aña cu nan a wak e beneficio, di tin, no e medicinal, pero e suplemento alimenticio, cu ta e unico permiti, nan a cambia full e ley. Cambiamento di ley ta manera un domino effect. Pa nan a lobby pa a cambi’e, pa a haci e estudionan necesario, tin cifranan cu a ta demostra esaki.
Un y tur, cu tin duda, ta keda invita pa bay e conferencia tocante di cannabis medicinal, pa nan mes skucha for di e specialistanan. Esaki ta pa prome biaha na Aruba, mester embrace esaki. Mester tuma y absorbe manera un sponge, tur informacion cu por haya. E chens aki no ta bay hay’e asina facil mas. E intencion ta pa haci esaki tur aña, pa keda up to date.
Por ultimo, Sr. John Arends a splica cu dos aña pasa tabata 250 samenstelling di mata di cannabis so nan tabata conoce y awe nan conoce mas di 500. Tur dia ta descubri algo nobo den e matanan, cu por cura un of otro enfermedad. Y esaki ta sin cu nan isola e compound (samenstelling) aki separa.