Diamars den oranan di atardi habitantenan rond di Lagabena a reporta na centro di alarma cu tin un candela grandi den e tereno conoci unda cu tin sushi y autonan bieu. A despacha dos unidad di bombero pa e sitio cu urgencia debi cu e candela tabata basta grandi, y e huma tabata molestia hendenan den e area. Polis tambe tabata presente pa pone nan mes na altura di e sucedido aki. Bomberonan a dura sigur 1 ora pa combati e candela grandi aki.