HILVERSUM, Hulanda – Den e buskeda di un lider nobo, PvdA lo bay organisa debatenan caminda cu e aspirante candidatonan lo bay enfrenta otro. E partido a laga sa cu lo bay tin cuater debate den November y December.
Varios politico di e partido ta anhela pa ta lider. E lider di fraccion actual, Diederik Samsom, a laga sa na September cu e lo sigui. E otro candidatonan ta vice-prome minister Lodewijk Asscher y miembro di Tweede Kamer, Jacques Monasch.
Fuera di esey tin otro miembronan di partido no mucho contento, cu kier cambia e curso di nan candidatura den e partido.
E aspirante candidatonan por registra for di dialuna 10’or di mainta na e partido. Entre dia 24 di November y 8 di December, miembronan di PvdA por meld. E resultado di e eleccion lo wordo divulga e dia siguiente door di directiva di e partido.
Prome Minister
Si PvdA bira e partido di mas grandi despues di eleccion di Staten, Diederik Samsom kier bira prome minister. Den e programa di television WNL Op Zondag, el a bisa cu e kier “ta parti” di e maneho di e futuro di e pais. “Tin algun luga caminda cu bo por logra hopi, y Torentie ta un di nan.”
Pero Samsom tambe ta indica e scenario “no ta mucho dominante” den su cabes. Su partido a score rond di dies asiento.
Debatenan pa lider di e partido lo wordo organisa riba dia 14 di November na Den Haag, 19 di November na Tilburg, 26 di November na Groningen y 3 di December na Amsterdam.
Otro siman, Jacques Monasch ta exigi aclareacion di e lider di partido, Hans Spekman, despues cu a aparece noticianan den prensa riba acuerdonan secreto entre directiva di partido, Samsom y Asscher. Riba esaki lo bay tin e forma di e debatenan ya stipula en detaye. Den wowonan di Monasch, e eleccion ya ta “pre-cooked.”
Fuente: NOS.nl