Candidato di MAS no ta confia su compañera di partido

Den partido MAS tambe tin un problema interno. Un problema unda cu un candidato no ta confia su mesun compañera di team, di partido. Sra. Aquanette Gunn a manda un declaracion cu ta bisa lo siguiente.

Un protocol no tin validez mas si un persona haci mal uzo di dje.

Na e momentonan aki, ami Aquannette A. Gunn a dicidi di reacciona relaciona cu tur loke ta bayendo rond riba medionan social. Na prome luga mi kier enfatisa cu segun e Ordenansa Electoral ami a keda apunta pa forma parti di e 21 parlamentarionan di pais Aruba pa e siguiente 4 añanan.

Ta berdad cu cada candidato a firma un protocol, cual tabata un palabracion interno y ta basa riba confiansa. Mi persona no ta confia sra. Solangel Lacle debi na su comportacion insano durante henter e campaña cu a laga un sabor amargo y di desconfiansa cerca mi persona. Ademas el a uza e protocol como tool di campaña contra di su mesun coleganan door di pidi hendenan vota p’e y no pa su coleganan.

Sra. Solangel Laclé no tabata sigui palabracionnan haci durante reunionnan di partido, mucho menos e tabata respeta nan. Tambe el a practica canibalismo. Pues e tabata pidi mi famia y amistad na un forma insistente y persistente pa vota pa su persona enbes di mi. Esaki pa mi ta muestra di falta di etica y falta di colegialidad y pa mi el a demostra di ta un persona INCONFIABEL. Si durante henter campaña el a sa di viola palabracionnan haci, ki garantia partido MAS por tin den INTEGRIDAD y HONESTIDAD di un persona asina.

 

 

 

Comments

comments