Diaranson atardi den edificio di Impuesto a surgi un situacion unda un cliente no kier a mantene su mes na regla. Ora drenta den e edificio tur hende mester tin nan tapa boca bisti. E hoben a cuminsa lanta cu personal di CEA unda a pidi presencia di Polis debi cu e hoben tabata di remate.
Esaki a pasa den presencia di basta cliente. E hoben a benta su curpa abou y cuminsa grita na momento cu polis a bay pa pone den boei. Mirando e situacion polis a solicita ambulance debi cu no por saca afo kico a causa cu e hoben su cabes a flip di e forma ey, unda e tabata te hasta saca scuma, segun testigo a declara na MasNoticia su reportero pafo. Cu Polis tampoco e tabata reacciona y a benta su curpa abou.
E hoben tabata den compania di un di su mayornan. Ambulance a yega lihe unda paramedico a brinda asistencia medico y a transporta e hoben pa hospital. Na hospital el a medio bin na tino.
Ta trata di un hoben candidato di HTC.