CALIFORNIA, Merca- Despues di dos siman y mei di destruccion historico, e candela Camp, cu a a afecta e parti noord di California, ta controla pa un 100%, pero e buskeda ta sigui subiendo e cantidad di personanan fayeci na 85.
Camp ya caba ta e candela mas mortal den historia di California.
E funcionarionan e haya dos curpa mas na Paradise y e otro na Magalia, ambos situa net west di e Bosque Nacional Plumas, mas o menos 160 km noord di Sacramento.
Desde cu e candela a cuminsa dia 8 di november, e candela a destrui casi 14 mil hogar, 514 negoshi y 4265 construccion. El a cubri mas di 61916 hectarea, mas o menos e tamaño di Chicago.
Cal Fire, e agencia estatal di proteccion forestal y contra candela, a anuncia cu e candela a wordo completamente controla diadomingo trempan. Esaki no ta nifica cu e candel a paga.
Mas di 25 mil persona awo ta registra, segun e oficina di Comisario di Butte County. En tanto, 249 persona ainda ta desapareci, segun informenan. Algun dia pasa esaki tabata ariba mil.
E buskeda pa restonan mortal
Despues di dianan di yobida, tur e actividadnan di inundacion a cancela den e estado. Aunke e yobidanan fuerte por a causa inundacion den circunstancianan normal, e terenonan cayente den e area tabata specialmente susceptibel na e lawina.
E buskeda di restonan a stop temporalmente na Paradise diabierna despues di cu e yobida y e bientonan fuerte a haci cu e palonan a debilita pa e candela tabata peligroso, KCRA, un afiliado di CNN, a informa. E buskeda a wordo reanuda despues di cu e bientonan a calma.
“Bo ta wak ariba y bo ta wak cosnan colgando den e palonan y awo ta bulando hopi fuerte y nan ta cay”, segun Craig Covey di e Autoridadnan di Bombero di e Condado di Orange na e station di television.