LISBOA, Portugal – Na Portugal, a tuma luga un biaha mas candela di mondi, un luna despues cu 64 hende a fayece, pa motibo di esaki. Desde diadomingo, 2000 miembro di brandweer a combati 17 incendio grandi, segun e corant Portugues Observador a bisa dialuna.
E region Castelo Branco na Coimbra, tabata e region mayor afecta, unda cu tin hopi palo di eucalyptus, tabata na candela. Den e region Santarem habitantenan di tres pueblo a wordo evacua pa siguridad.
Siman pasa, parlamento na Lisboa a dicidi pa baha e cultivo di palonan di eucalyptus den futuro. E Gobierno central a reacciona riba e candelanan grandi di mondi na Juni. Mayoria di e 64 victimanan mortal, a fayece ora cu nan a purba di huy den nan auto for di e candela. Activistanan di medio ambiente pa hopi tempo a boga pa reestructuración di e mondinan, vooral den e periodo di zomer, ora cu e pais ta calor y seco.
E palo di eucalyptus ta na Portugal un medio importante di nan industria, debi na e pulpa y papel. E blachinan rico na azeta, ta cende na candela masha facil mes.
Fuente: www.anp.nl