BEIRUT, Libanon- Al menos un persona a muri diadomingo y seis otro a resulta herida den un candela den un campamento di refugiadonan Sirio den e valle di Bekka. E candela a afecta un centenar di tentnan den e campamento, segun Crus Cora Libanes.
“E balans di victimanan no ta definitivo, e ta un prome calculo, ya cu ta ainda e buskeda den e tentnan cu a kima ta continua”, segun e vocero di Crus Cora Libanes, George Kettaneh.
Di otro banda, varios medionan di informacion local a subi e cantidad di victimanan mortal pa tres.
Centenare di refugiado a wordo evacua pa e areanan cercano, segun medionan local. Libanon ta ricibi un miyon y mei pa dos miyon di refugiadonan Sirio cu ta huy di nan pais, door di e guerra civil.
Fuente: www.ntn24.com