Director interino di Serlimar, Victor Robert, ta splica di e problema di candela cu tin riba dump. El a comenta cu den e area aki, tin hopi santo, pero si bay mas abao ainda tin candela, cual ta hopi dificil pa paga. Locual cu Serlimar ta haciendo awor aki, cu si nota cu tin candela, nan tin e ora e obligacion pa cuminsa basha santo mas pronto posibel, caminda cu e candela ta sali. Y si tin huma, pa paga e huma. Ta e huma ta esun cu ta manda e holo malo.
Fuera di esey te hasta a laga traha siman pasa pa a domina e candela, oranan extra y mas santo a bin ariba. Pesey a logra pag’e. Pero tanten cu e biento no bira duro, e candela ta keda paga. Pero si e bin duro, e aire ta keda supla te ora cu e haya un buraco bin ariba e ora e candela ta expande atrobe.
E ta un problema cu mester wordo combati na su rais, cual ta full abao. Robert ta pensando si por haya cooperacion di brandweer pa por pone un pomp grandi cu nan tin y saca e awa for di lama y mand’e abao via un tubo wak si esey por yuda. Segun Robert, den dos pa tres dia por paga e candela cu tin bao di e sero. Ta trata aki di un candela bieu cu hopi sushi riba dje. No mester lubida cu pa añanan largo ta cendiendo e landfill cu candela. E tempo ey ta asina mester a haci’e. Awor aki ta sospecha cu otro hende ta cende e candela aki anochi, pero prueba no tin. No ta kita afo cu tin e deber di paga e candela ey. Ta bay haci tur lo posibel pa paga e candela eynan, pasobra ya ta dimas caba. Robert mes ta sinti e keho di e habitantenan y tin cu duna nan rason. Ta den un bario habita y ta wordo molestia door di candela cu te awor aki no a logra pag’e, pero lo bay page si, segun Robert.