Un serie di candelanan di mondi a desata un catastrofe den centro y sur di Chile, cu un saldo di por lo menos 11 persona morto y miles di casnna destrui. E candela tambe a consumi un area di mas di 360 mil hectarnan.
Hopi di esunnan cu a perde nan bida ta bomberonan cu a bataya cu mas di 100 candela distino, di cual mita di esakinan ta sin control, segun informenan di gobierno.
Presidente di Chile, Michelle Bachelet a bisa cu e tabata tin planea pa reuni cu e directornan di inteligencia di polis y e forsanan arma pa discuti un investigacion riba e causa di e candelanan.
E desaster aki a cuminsa dos siman pasa, y nan a crece masha lihe, door di temperaturanan hopi halto y un sekia constante. Casi 360 mil hectarnan ya caba a kima.
Francia, Rusia, Merca y Peru a manda yudansa internacional pa combati e candela despues di un declaracion siman pasa den algun di e areanan mas afecta.
Yudansa for di Mexico y Colombia ta wordo spera e siman binidero.