Diahuebs anochi polis y brandweer a keda dirigi cu urgencia pa e tereno di daltra na Barcadera pa un candela grandi. For di leu por a mita e candela net na e area unda algun luna atras tabatin un candela masha grandi mes.
Polis a yega y tuma nota di esaki y brandweer a yega rapidamente, tres truck di brandweer a presenta pa asina drenta accion y combati e candela grandi aki. E ovd tambe di brandweer tabata n’e sitio.
Personal y director di Departamento di Calamidad a keda notifica y tambe a presenta pa pone su mes na altura di e situacion debi cu e candela tabata uno grandi mes, pero brandweer a logra di domina e candela basta lihe y a dura algun rato mas te cu algo prome cu 1 or di marduga a logra paga esaki completo y no tabatin casi nada mas di huma.