Un candela grandi di mondi diaranson merdia na San Nicolas den e bario di Otaheitistraat a pone cu habitantenan a bati alarma na autoridad debi cu e candela a te hasta yega un pal’i luz y kima esaki y te hasta waya di cabel di setar.
Unidadnan di brandweer a keda dirigi cu urgencia debi cu e candela tabata yegando un cas. Polis tambe a presente n’e sitio y a cera e caminda pa ningun trafico yega cerca.
Bomberonan a bringa basta rato pa combati e candela grandi aki, pa domina esaki completo. Elmar tambe a presenta pa mira e situacion y cuminsa cu e trabou pa un pal’i luz nobo.