Diaranson mainta habitante di Tanki Flip y Matadera a reporta na autoridad di un candela grandi di mondi pega cu un cas y cu e cas lo a pega candela, esaki a pone cu a mobilisa brandweer y polisnan cu sumo urgencia.
Patruya di Noord cu a presenta di biaha a constata cu pariba di un cas di palo tin un mondi grandi cu tabata completamente na candela. Bombero a presenta di biaha y a drenta accion di biaha y bringa cu e candela grandi pa evita yega e cas di cual e tabata hopi cerca mes.