Diamars mainta habitantenan di Tanki Leendert den e residencia di Felicidad a hayanan mes cu un situacion alarmante, unda candela grandi di mondi a menasa varios cas.
E candela tabata grandi cu a cana basta lihe den e yerba seco y e habitantenan cu slang den man a cuminsa combati e candela te na unda nan por pa esaki no yega cerca di nan cas. Debi cu vlam tabata asina grandi te hasta un dak di cas a kima un parti.
Brandweer tabata ocupa debi na un truck pabou a core bay yena e tanki pa e ora por a sali y asina e bomberonan a yega despues di rato pa combati e candela grandi aki cu tabata pida pida, debi cu awa a cuminsa caba a pidi e tankwagen cu ta riba un hilo debi na fanbelt y a sali pa duna awa na e prome truck.