MADRID, Spaña- Autoridadnan local a reconoce cu nan no tabata capas di controla e candela.
Un candela forestal declara dialuna ultimo den e localidad di Llutxent, den e provincia di Valencia (e parti oost di Spaña), ainda no a wordo controla y e candela a caba cu 2700 hectar caba, destruyendo mas di binti cas y forsa e evacuacion di casi 2500 persona.
E candela, cu ta avanza cu pasonan grandi den direccion di e localidad costero di Gandia, den su trayectorio a kima un zona di gran balor ecologico, un mondi di alcornoque centenario den cercania di e parke natural di El Surar.
Autoridadnan local a reconoce su impotencia pa cu e situacion. En concreto, e alcalde di Gandia, Diana Morant Ripoll, lo a reconoce vi ae radio Onda Cero: “nos no tabata capaz di controla un candela cu a bin ta creciendo, cu cada biaha tumando mas territorio”, Morant a splica cu e candela, a lo largo di diamars, “no ta disminui, e ta solamente sigui crece mei mei di e poblacion” y a lamenta cu “no ta wak cu e situacion di diamars lo por mehora pa diaranson”.
🎥Así se vivia el ocaso hoy en el incendio forestal de Llutxent #Valencia mañana a las 08:30h prealertada la @BRIFpradotwit con base en #Cuenca para sumarse a labores de extinción de este "gigante".Mucho ánimo a todos los medios intervinientes esta noche será dura! #IFLlutxent pic.twitter.com/p23k37roT0
— ATBRIF (@AT_Brif) August 6, 2018
E candela ta sigui di ta activo na dos luga, uno den noord, cu ta consisti di luganan na halto cu ta haci e acceso mas dificil y e lucha contra di e candela; y e otro den sur, cu ta mantene autoridadnan ariba alerta, gravemente preocupa pa e evolucion di e candela cu lo por yega na varios finca den e zona.