Residentenan ta huy for di candela mortal: Escena apocaliptico a aparece den henter e districto di Los Angeles, caminda candela di mondi mortal ta keda mayoria biaha incontrolabel.Mientras cu por lo menos cinco persona a wordo raporta morto te awor, oficialnan Diahuebs a bisa, “francamente, nos no sa” unda e berdadero cantidad di morto ta para. Ordonan di evacuacion ta impactando casi 180.000 residente.
Miles di structura destrui: E candela di Palisades incontenible cu ta kima e area di lama entre Malibu y Santa Monica ta esun mas destructivo cu a yega di asota e districto di Los Angeles. Mientras cu evaluacionnan di daño ta andando, informenan preliminar ta calcula cu e structuranan daña of destrui ta “den miles,” e hefe di bombero di Los Angeles a bisa Diahuebs.
Con e ta na Los Angeles awe: E dia a cuminsa cu algun alivio, ya cu un calma den e bientonan di Santa Ana a permiti e ekiponan di bombero basha awa for di laira, pero ta anticipa bientonan intenso durante henter dia. Algun residente di Los Angeles County lo sigui enfrenta condicionnan peligroso, ya cu aire contamina y awa insigur ta forma un menasa den varios area. Polucion di candela por biaha distancianan largo y penetra den e pulmonnan y e fluho di sanger.