Al menos 60 persona a muri dialuna, como consecuencia di e candela feroz cu a azota e areanan rond di Atenas, Grecia.
E curpanan carbonisa di 26 persona a wordo haya diamars den un cas na Mati, costa oriental di e region di Atica, segun Crus Cora a anuncia.
Poco prome cu e hayasgo macabro aki, autoridadnan a anuncia un balans di 24 morto, y mas di 150 persona herida, den cual tin 11 cu ta grave. Un di e victimanan di mas hoben lo ta un baby di 6 luna cu a muri door cu el stik.
E candela a causa ademas cerca di 150 persona herida, pa cual autoridadnan a pidi ayudo na paisnan Europeo.
Den oranan di anochi, autoridadnan tabata purba di evacua e habitantenan di e zona costero entre e localidadnan di Mati y Rafina, unda cu hopi di esunnan afecta a busca refugio na e beachnnan.
Polis a informa cu nan a haya den e lama cerca di Rafina, dos turista Danes, di un grupo di diez, kendenan a huy den barco y nan ta buscando e resto di grupo.
Cinco barco militar y polis portuaro ta participa den e operacion di reunion y evacuacion di e personanan afecta, segun e secretario general di Proteccion Civil, Yannis Kapakis.
E situacion cada biaha ta bira mas complica debi na e bientonan fuerte.
E candela a destrosa viviendanan, a obliga na evacua varios poblacion y a pone cu autoridadnan na declara estado di emergencia y pidi yudansa Europeo.
Un di e candelnana a cuminsa dialuna merdia den e montañanan di Gerania, noord di e pais. Debi na e bientonan fuerte, e candela ta sigui avanza pa zonanan pobla.