Diamars mainta brandweer a bay Weg Sero Preto pa un candela di mondi cu ta bezig ta yega e casnan poco poco habitante tabata man na cabes.
Prome truck Brandweer a presenta y bombero a cuminsa paga esaki pero a solicita un truck mas di bombero Debi cu esaki a cuminsa menasa e casnan den e area.
Ambulance a presenta Debi cu un hende den e cas a guli hopi Huma y a bira Basta malo.
Segun cu e minuutnan ta andando, nos mesa di redaccion a ricibi informe cu e candela di Mondi na Sero Preto a bira mas grandi.
Esey a haci cu a paralisa henter e sistema di trafico na Weg Sero Preto p’asina bombero por traha riba e situacion. A manda en total tres truck di brandweer pa mira si nan por domina e candela.
Un cos ta echo cu varios habitante a bira malo, sin lubida cu varios di e bomberonan n’e sitio tambe a sufri di e holo di e huma.
E noticia aki ta den desaroyo.
