Diadomingo atardi, algo prome cu 3’or, polis y unidad di bombero a bay cu urgencia pa un candela grandi di mondi den Rooiweg na San Nicolas.
E candela aparentemente a cana basta lihe, te cu el a kima parti di un cuarto di cas, cu su pertenencianan aden, entre otro algun articulo di gym y tambe un scooter.
E prome truck chikito cu a yega, entre 8 y 10 minuut despues, awa a caba cu nan. A haya cu mester a pidi refuerso di dos truck mas di bombero.
Nan tabata cu man na cabes bringando cu e candela aki. Tin di bisa cu e luga tabata bao huma y Brandweer ta luchando bastante pa evita cu e candela aki expande bay n’e otro casnan cu tin den e vecindario.