Dialuna anochi gai cora a canta na Blue Residence riba JE Irausquin Blvd unda parti panort di e edificio lo tin candela, di biaha a mobilisa brandweer y polis cu urgencia pa e sitio. Polisnan a cera rotonde panort di Amsterdam Manor y tambe e caminda pazuid di e hotel pa evita auto ta pasa debi na e huma.
Bomberonan a drenta accion rapidamente, tabata un deposito unda tin cosnan kimico y plastic ta warda. Huma tabata plama full rond di e area, y a evacua e toren banda panort. A scucha algun explosion, pero bomberonan a combati e candela rapidamente, y asina caminda a keda habri bek.