Diahuebs marduga un siguridad cu ta cuida negoshinan den cercania di universidad di Aruba a scucha un tiro basta duro y despues basta area a keda sin coriente y a raporta di biaha na autoridad.
Patruyanan a cuminsa patruya den e area y a constata te cu rotonde Seroe Blanco parti di Caya, La Sallestraat y Socotoro ta sin coriente. Pasando banda di universidad holor di candela a dal e oficialnan y a constata cu huma ta saliendo for di e cashi di coriente riba e tereno di e dicho scol. A informa personal di elmar cu a presenta di biaha y ora a habri porta a constata cu tin candela grandi pero cu brandblusser esaki no a yuda y a pidi yudansa di bombero cu a presenta cu mas brandblusser unda a logra domina e candela completo maske e candela tabata lanta leu a leu pero na final esaki a keda domina. Un gran area a keda sin coriente pa un rato te ora cu personal di elmar a haci e trabou di schakkel via otro transformatorhuisnan.