Na Tamarijn tabata tin un candela di dump. A meld como candela di mondi. E prome unidad a yega na e sitio y a constata cu tabata trata aki di dump cu tabata na candela. A cuminsa haci e parti pa percura pa e candela no bira mas grandi.
Segun Ferdinand Ponson di Cuerpo di Bombero, hendenan ta bezig ta tira sushi eyden y e hendenan mes cu ta bezig ta handle cu e tereno, mes ta basha tera riba e candela y percura pa e candela mes no sigui crece.
Cuerpo di bombero ta percura pa e candela no bira mas grandi. Tin cu tene cuenta cu e habitantenan pabao di dje.
Segun Ponson, tur biaha cu Cuerpo di Bombero bay paga un candela, ta percura pa traha un rapport. Tin instancianan concerni cu a wordo yama y ta na e sitio y ta bezig ta atende cu e caso aki.
Ponson a splica cu den un dump asina, normalmente tur cos cu ta hunto cu otro ta forma gasnan toxico cu ta sali. Pesey mes ta bezig ta haci lo necesario pa evita cu hendenan pabao di dje por haya contaminacion di parti di e candela aki.
Den ley ta poni cu no mag di kima sushi mas, ni den cura di cas. Asina cu e ta un molester pa e hendenan rond, Brandweer lo tey y tin cu tene cuenta cu esaki ta un dump ilegal. Esaki ta contra ley di manera cu por tuma medidanan coreccional contra di esun cu ta benta sushi.