MAASTRICHT, Hulanda- Den e centro di Maastricht tabata tin un candela cu a cuminsa den un cas net riba un restaurant. Brandweer a presenta cu varios unidad eynan. Den e caya small aki tabata hopi druk cu carnavalistanan, mirando cu awe tabata apertura di e temporada di carnaval.
E vlamnan tabata sali for di e dak di e cas, segun L1 a meldt. E edificio ta ubica den un caya den e vecindario di Vrijthof. Eynan tabata tin miles di persona congrega. Kico e causa di e candela tabata, ta desconoci.
Situacion caotico
Polis a pone extra agentenan riba pia pa asina ontruim partinan di Vrijthof y Platielstraat. Riba e manera aki polis a purba di crea mas espacio pa brandweer. Segun testigonan ta papia aki di un caos. Hendenan tabata wordo manda di robes pa drechi door di polis.
Na e momento cu e candela a tuma luga, no tabata tin hende mas presente. Brandweer tabata tin hopi dificultad pa yega na e sitio debi na e celebrantenan, pero si nan por a haci nan trabao bon. Brandweer a logra drenta den e caya. Algun cafe a wordo evacua. Tabata tin hopi huma si na e luga di e candela.
Fuente: www.rtl.nl