Diasabra prome cu 7 or di mainta gai cora a canta den Johan de Witstraat na Playa unda lo tin un cas na candela. Uniadnan di brandweer y polis cu urgencia a bay pa e sitio. Di leu por a mira e huma preto ta bay halto. Dos personal di brandweer cu tabata riba nan bais den nan ora liber cu di leu a mira e huma a desvia pa wak kico ta pasando y a topa cu e candela y nan a cuminsa yuda mientras e unidadnan tabata na caminda. Tog e trucknan di brandweer a yega basta lihe pero e candela a cana basta lihe y destrui full parti ariba di e cas. Comandante di brandweer tambe tabata na e sitio pa pone su mes na altura di loke tabata pasando.