Diabierna pa 3 or marduga gai cora a canta na Adolf van Nassaustraat na San Nicolas un cas y edificio a pega candela. Di biaha unidad di polis, brandweer a keda despacha cu urgencia pa e sitio. Na yegada e candela tabata grandi y a destrui full e edificio bandona caba. Bomberonan a presenta y lucha cu e candela grandi aki. Polisnan a hayanan mes ta evacua basta hende pabou di e candela debi na e huma y si e candela mester expande ya cu el a kima e cas y e edificio bandona. Personal di slachtofferhulp tambe a yega na e sitio pa asina papia cu esnan afecta.