Diabierna pasa di 12’or di marduga habitante di Pos Chikito a constata cu e coriente di cas ta haciendo straño y ora a bay wak pafo tin un candela grandi den cura, unda candela a cuminsa foi un cashi di fusebox y esaki a cana kima un pida di parti bou mata cu tin palo y mas cos di trabou.
Debi cu tin un auto casi bou e mata e candela grandi a te hasta kima parti dilanti di e auto. Polis tabata presente y a pidi presencia di brandweer lihe. E truck a yega di biaha y aki bomberonan a drenta accion y combati e candela di biaha. A notifica Elmar tambe pa presenta y mira e situacion kico lo a conduci cu e fusebox a pega candela y causa e daño grandi aki pafo di e cas.
