CARACAS, Venezuela – Canciyer di Republica di Venezuela, Delcy Rodriguez a rechasa e pronunciamento di e paisnan fundado di Mercosur, kendenan a anuncia cu nan lo asumi e presidencia pro tempore di e bloke te cu Venezuela ratifica e acuerdo di e tratadonan.
Atrabes di e su cuenta di Twitter, e canciyer a expresa cu e declaracion di Argentina, Uruguay, Paraguay y Brasil, “te debilita e legalidad di e organisacion”, y cu ta pretende distrui Mercosur “mediante weganan antihuridico, cu ta refleho di e intolerencia politico y desesperacion di burocratas.”
El a afirma cu den e bloke e decisionnan ta wordo tuma pa consenso, respetando e normanan di funcionamento, por lo tanto Venezuela no lo permiti violacionnan na e tratadonan. Di e manera aki, el a informa cu pronto e canciyeria lo pronuncia oficialmente riba e normanan di Venezuela y di e resto di e Estadonan Parte, mescos cu e accionnan pa protehe Mercosur.
E decision di e fundadonan di Mercado Comun del Sur, a wordo anuncia despues di simannan sin yega na un consenso riba e presidencia pro tempore cu ta coresponde na Venezuela, cu tin cu ratifica den su legislacion e norma di e tratadonan di e bloke prome cu dia 1 di December 2016.
Venezuela a ingresa den Mercosur na 2012 y tabata tin cuater aña pa adecua su normanan interno, tempo cu a expira dia 12 di Augustus.
Fuente: El Universal