Temporada di Pasco ta den porta y kico ta mas dushi cu scucha cancionnan di Pasco y Aña Nobo durante henter e luna. Manera custumber, SETAR hunto cu Stingray ta ofrece 2 canal cu cancionnan (audio) di Pasco y Aña Nobo.
Desde awo caba por disfruta di e canalnan aki riba:
– 451. Holiday Hits (normal e ta Opera Plus)
– 470. Felices Fiestas (normal e ta Jazz Masters)
Na banda di e 50 canalnan di musica audio cu Stingray ta ofrece, SETAR kier recorda tur cliente di Cable Digital pa download bo app di Stingray Music, obtenibel riba iOS y Android, gratis. Asina aki bo por scucha bo genero di musica ki ora cu bo kier, unda cu bo ta desea na Aruba, tanten cu bo tin un conexion di Internet. Alabes, e ta obtenibel tambe riba desktop, riba www.webplayer.stingray.com. Sigui e instruccionnan riba website di Setar, www.setar.aw, na e seccion di TV Everywhere, con pa link bo account di Cable Digital cu e Stingray app.
SETAR ta invita un y tur pa disfruta di e canticanan durante e dushi temporada aki. Pa mas informacion por tuma contacto cu SETAR na 525-1700.